رقاصاؤں کے ساتھ جنسی زیادتی کا معاملہ: مقامی کورٹ میں متاثرہ کا بیان درج

ریاست بہار کے ضلع گیا میں واقع بودھ گیا میں گزشتہ روز رقاصاؤں کے ساتھ چھیڑ خانی وجنسی زیادتی کی کوشش کے معاملے میں منگل کو سی جی ایم کورٹ میں چاروں لڑکیوں کا 164 کابیان درج کروایا گیا ہے۔

بودھ گیا تھانہ میں این جی او کے ڈائیرکٹرز اور وارڈ کاؤنسلر سمیت کل چھ افراد کے خلاف مقدمہ درج کیا جا چکا ہے۔

اطلاعات کے مطابق بودھ گیا کے ہوٹل میں این جی او کے ڈائیرکٹرز اور وارڈ کاؤنسلر کی گزشتہ شب شراب کی پارٹی چل رہی تھی۔ اس پارٹی میں رقص کے نام پر جھارکھنڈ سے چار لڑکیاں منگوائی گئی تھیں، پارٹی بند کمرے میں چل رہی تھی جس میں ہوٹل کا مالک بھی موجود تھا ۔

اسی دوران شراب کے نشے میں وارڈ کاؤنسلر وکی کمار، ہوٹل کا مالک سریش ساؤ، کیمپنس ٹرسٹ کے ڈائیرکٹر و سیاسی کارکن مراری سنگھ، چائلڈ ہیلپ لائن آپریٹر دیپک کمار کے ذریعے لڑکیوں کے ساتھ جنسی زیادتی کرنے کی کوشش کی جانے لگی۔ جس پر لڑکیوں نے مخالفت کی جس پر انہیں زدوکوب کیاگیا، انکے موبائل فونز کو چھین کر توڑ دیاگیا۔ تبھی کسی طرح ایک لڑکی نے اسکی اطلاع مقامی تھانے کو دی۔ جس پر پولیس نے فوری کاروائی کے لیے ہوٹل پہنچی، اس دوران پولیس نے چاروں لڑکیوں کو آزاد کراتے ہوئے ایجنٹ کو گرفتار کرلیا ۔

لڑکیوں کے بیان و نشاندہی پر چاروں کے خلاف تھانے میں ایف آئی آر درج کر لی گئی۔

منگل کو لڑکیوں کابیان دفعہ 164 کے تحت جے ایم ٹو، نیہا شلپا پرشانت مشرا اور جے ایم 2 شیلا شکلا کی عدالت میں ریکارڈ کیا گیا۔

ایس ایس پی راجیومشرا نے بتایا کہ واقعے کی اطلاع پر پولیس نے کاروائی کی ہے ۔164 کابیان درج کرادیا گیا ہے ۔

ایک ملزم کی گرفتاری ہوچکی ہے بقیہ کی گرفتاری کے لئے چھاپے ماری کی جارہی ہے ۔

بودھ گیاتھانہ میں کیس نمبر 434/19 کے تحت دفعہ 341 ، 342 ، 323 ، 354 بی ، 384 ، 427 ، 504 ، 506 ، 120 بی اور 376 وغیرہ کے تحت مقدمہ درج کیا گیا ہے۔