گیا میں ایک سرکاری اسکول کے ہیڈ ماسٹر کے کورونا پوزیٹیو ہونے کے بعد اسکول بند کردیا گیا ہے ضلع ایجوکیشن افسر نے متعلقہ اسکول کو بند کرنے کی ہدایت کے ساتھ سبھی ٹیچرز اور ہیڈ ماسٹر کے رابطے میں آئے طلباء کی کورونا ٹیسٹ کرانے کو بھی کہا ہے.
گیا: اسکول کھلتے ہی ہیڈ ماسٹر کورونا سے متاثر - school
بہار کے گیا میں اسکولوں کے کھلتے ہی اسکولوں میں کورونا پوزیٹیو کیسز کی تصدیق ہونی شروع ہو گئی ہے۔ گیا کے خضر سرائے کے ایک اسکول کے ہیڈ ماسٹر کورونا سے متاثر پائے گئے ہیں. پٹنہ میں زیر علاج ہیڈ ماسٹر کی حالت تشویشناک بتائی جاتی ہے، احتیاط کے طور پر خضر سرائے سریا ہائی اسکول کو بند کرنے کی ہدایت دی گئی ہے ۔
گیا میں اسکول کھلتے ہی ایک ہیڈ ماسٹر کا کورونا مثبت ہونے کی تصدیق ہوئی ہے
ہیڈ ماسٹر پٹنہ کے ایک نجی ہسپتال میں زیر علاج ہیں جہاں انکی حالت تشویشناک بتائی جاتی ہے. خیال رہے کہ گزشتہ چار جنوری سے آٹھویں جماعت کے بعد کے سبھی اسکولوں میں کلاسز شروع کر دیے گئے ہیں، تاہم ضلع گیا کے سریا خضر سرائے میں واقع ہائی اسکول کے ہیڈ ماسٹر کورونا وبا سے متاثر ہوئے ہیں.
ضلع ایجوکیشن افسر مصطفی حسین منصوری نے سریا ہائی اسکول کو بند کرنے کا لیٹر جاری کردیا ہے. مصطفی حسین منصوری نے بتایا ہے کہ سریا خضر سرائے اسکول کے ہیڈ ماسٹر کے ذریعے واٹس ایپ کے توسط سے درخواست موصول ہوئی ہے جس میں بتایا گیا ہے کہ وہ کورونا وبا سے متاثر ہوکر پٹنہ میں زیر علاج ہیں اور انکی حالت تشویشناک ہے. درخواست میں ہیڈ ماسٹر نے لکھا ہے کہ چونکہ وہ اسکول میں ٹیچرز کے رابطے میں آئے ہیں اسلئے ٹیچروں کے بھی متاثر ہونے کا خدشہ ہے لہٰذا سریا ہائی اسکول کو بند کیا جائے