ستیش چودھری کا تعلق دربھنگہ کے ہایہ گھاٹ بلاک کے منورتھا گاؤں سے ہے۔
ستیش گزشتہ 11 برسوں سے بنگلہ دیش کے جیل میں قید تھے، جنہیں 12 ستمبر کو بنگلہ دیش میں رہا کیا جا رہا ہے۔
بنگلہ دیش میں قید بھارتی شہری کی رہائی ا س بات کی اطلاع ملتے ہی ستیش چودھری کے بھائی مکیش بنگلہ دیش کے لیے روانہ ہوگئے ہیں تاکہ وہ اپنے بھائی کو صحیح سلامت واپس لا سکیں۔
واضح رہے کہ بنگلہ دیش کی حکومت نے ڈھاکہ میں موجود ہائی کمیشن آف انڈیا کو اس بات کے اطلاع ٹیلی فون پر دی ہے۔درشنا گیڈے بارڈر پر بارڈر گارڈس بنگلہ دیش(بی جی بی) ستیش کمار کو بارڈر سیکورٹی فورسز انڈیا کے حوالے کرے گی۔
دماغی طور سے بیمار ستیش چودھری 12 اپریل 2008 کو اپنے چھوٹے بھائی مکیش چودھری کے ساتھ علاج کرانے کے لیے پٹنہ گئے تھے۔اس کے تین دن بعد وہ 15 اپریل 2008 کو گاندھی میدان میں موجود کرشن میموریل ہال کے پاس سے اچانک غائب ہوگئے۔
ستیش کے رشتے داروں نے ان کی کھوج کی لیکن ان کے بارے میں کچھ بھی معلوم نہیں ہوا۔
جس کے بعد انہوں نے 8 مئی 2008 کو گاندھی میدان پولیس اسٹیشن میں گمشدگی کی رپورٹ درج کرائی۔تقریبا 4 برس کے بعد سال 2012 میں ستیش کے رشتے داروں کو بنگلہ دیش ریڈ کراس سوسائٹی کا خط انڈین ریڈ کراس سوسائٹی کے ذریعہ حاصل ہوا۔جس میں اطلاع کیا گیا تھا کہ ستیش ڈھاکہ کے لکشمی پور میں قائم جیل میں بند ہیں۔
ستیش کی والدہ کلا دیوی نے بتایا کہ ستیش کی تلاش میں ان لوگوں نے مقامی ضلع انتظامیہ دربھنگہ، پٹنہ میں عرضی لگائی تھی۔2 جولائی 2012 کو وزیراعلی نیتیش کمار کے جنتا دربار میں بھی انہوں نے درخوات کی تھی لیکن کچھ نہیں ہوا۔
حالانکہ محکمہ داخلہ کے پرنسپل سکریٹری امیر سوہانی نے وزارت خارجہ کو خط لکھا کہ لیلکن اس کے بعد بھی سرکاری سطح پر ستیش کو بھارت لانے کی کوشش نہیں کی گئی۔
ستیش کی والدہس نے بتایا کہ ان کے چھوٹے بیٹے کے موبائل پر فون آیا کہ 12 ستمبر کو بنگلہ دیش کی جیل سے ستیش کو رہا کیا جارہا ہے۔
ستیش کے بیٹے عاشق نے کہا کہ بچپن میں ہم نے اپنے والد کو دیکھا تھا، اب ان کا چہرا بھی صحیح سے یاد نہیں ہے۔ان کے آنے کی خبر سن کر خوش ہوں۔
وہیں ستیش کے دوست سنجے نے کہا کہ ستیش کا بھائی مکیش اپنے بھائی کی تلاش میں 6 برس تک بھٹکتا رہا۔جس کے بعد اس نے پاسپورٹ اور ویزا بنایا اور کولکتہ کے راستے سے ڈھاکہ کے لکشمی سینٹرل جیل پہنچا۔
جہاں انہیں معلوم ہوا کہ ستیش کی سزا کی مدت ختم ہونے کے بعد رہا کردیا گیا ہے۔اس خبر پر مکیش کو یقین نہیں ہوا۔
اس نے بنگلہ دیش کے کئی جیلوں میں اپنے بھائی کو تلاش کیا لیکن ان کی جانکاری نہیں ملنے کے بعد وہ بھارت واپس آگئے۔مکیش معلومات کے فقدان کی وجہ سے سفارت خانہ نہیں جاسکا۔
واضح رہے کہ 10 ستمبر کو بنگلہ دیش کے بھارتی سفارت خانہ سے فون آیا کہ 12 ستمبر کو ستیش کو بنگلہ دیش کے جیل سے آزاد کردیا جائے گا۔
