کیمور میں ریت انٹری مافیا گرفتار

کیمور کی قومی شاہراہ 2 پر پولیس نے غیر قانونی طور پر کام کرنے والے ریت مافیاؤں کے خلاف کاروائی کرتے ہوئے چار انٹری مافیا کو گرفتار کیا ہے۔

پولیس نے گرفتار انٹری مافیا سے 1 اسکارپیو گاڑی اور 20 ہزار روپے، 10 موبائل سمیت متعدد گاڑیوں کے دستاویزات بھی برآمد کیے ہیں۔

کیمور ایس پی دلنواز احمد نے بتایا کی گرفتار انٹری مافیا کان کنی کے آفیسر اور پولیس پر کئی بار حملہ کر چکے ہے۔ ایس پی دلنواز احمد نے بتایا کہ این ایچ 2 پر ریت سے لدے ہوئے اوورلوڈنگ ٹرک کو پاسنگ کرانے کا کام کیا کرتے تھے۔

انہوں نے بتایا کہ اس دوران جوبھی آگے آتا ریت مافیا اس پر حملہ کر دھول جھونکنے کا کام کرتے اور گاڑیوں کو پار کراتے تھے۔

ایس پی نے بتایا کہ پولیس نے چار افراد کو کارروائی کے دوران گرفتار کیا ہے، جس میں دو افراد پہلے ہی پولیس پر حملے کی مجرمانہ تاریخ رکھتے ہیں۔ انہوں نے بتایا کہ سب کو گرفتار کرکے جیل بھیجا جارہا ہے۔