سمستی پور: 21 جولائی تک عدالتی کاموں میں وکلاء حصہ نہیں لیں گے

سمستی پور اور دلسنگھ سرائے عدالت میں اب تک 13 لوگ کورونا متاثر ہیں۔ حفاظتی نقطہ نظر سے ایڈوکیٹ یونین نے عدالتی کاموں سے الگ رہنے کا فیصلہ کیا ہے۔

بہار کے سمستی پور ضلع میں کورونا کے بڑھتے انفیکشن کے مد نظر ضلع ایڈوکیٹ یونین نے منگل سے اکیس جولائی تک عدالتی کام نہ کرنے کا فیصلہ کیا ہے۔
یونین کے ضلع صدر اور سنیئر وکیل کرن سنگھ نے بتایا کہ سمستی پور ضلع میں مسلسل کورونا انفیکشن میں اضافہ دیکھتے ہوئے آج سے آئندہ اکیس جولائی تک سبھی وکلاء کوئی بھی عدالتی کام نہیں کریں گے۔ سمستی پور اور دلسنگھ سرائے عدالت میں اب تک 13 لوگ کورونا متاثر ہیں۔ حفاظتی نقطہ نظر سے ایڈوکیٹ یونین نے عدالتی کاموں سے الگ رہنے کا فیصلہ کیا ہے۔
سنگھ نے بتایا کہ سمستی پور ضلع کے دلسنگھ سرائے، پٹوری اور سمستی پور عدالت کے ایک ہزار سے زائد وکلاء عدالتی کاموں سے اپنے کو الگ رکھیں گے۔