ریاست بہار کے کیمور ضلع کے بھبھوا تھانہ حلقہ کے سیتھا موضع میں ایک 18 سالہ تاجر 'سونو' کو نا معلوم افراد نے گولی مار کر ہلاک کر دیا۔
اطلاع کے مطابق بھبھوا تھانہ حلقہ کے سیتھا موضع کے باشندہ ہنو مان شاہ کا 18سالہ بیٹا سونو گپتا اپنی کرانا دکان کے سامنے بیٹھ کر اپنے دوستوں کے ساتھ لوڈو کھیل رہا تھا۔
اسی دوران بجلی گل ہو گئی اور جب تک بجلی واپس آئی تو لوگوں نے سونو گپتا کو ہلاک پایا، اس کے جسم سے خون بہ رہا تھا اور گولی لگی ہوئی تھی۔
مقتول کے رشتہ دار نرجن گپتا نے بتایا کی سونو دوستوں کے ساتھ لوڈو کھیل رہا تھا تبھی بجلی گل ہونے کے دوران یہ حادثہ پیش آیا اور موقع سے دوست فرار ہوگئے تھے۔
وہیں ایس ڈی پی او بھبھوا نے مقتول کے ساتھ لوڈو کھیل رہے دوستوں پر شک ظاہر کرتے ہوئے کہا کی اس معاملہ کا جلد ہی خلاصہ کر لیا جاٸیگا۔
