'غیرحاضر سرکاری ملازمین کو لاک ڈاﺅن مدت کی ملے گی تنخواہ'

بہار کے نائب وزیراعلیٰ سشیل کمار مودی نے کہاکہ حکومت نے کسی وجہ سے غیر حاضر رہنے والے مستقل سرکاری اور ٹھیکہ پر بحال ملازمین کو بڑی راحت دیتے ہوئے جولائی کے ان کے مکمل تنخواہ کی ادائیگی کا فیصلہ لیاہے۔

مسٹر مودی نے جمعرات کو کہا کہ عالمی وبا کووڈ۔19 کے انفیکشن کی توسیع کو روکنے کیلئے ایک بار پھر 16 سے 31 جولائی تک ضلع اور ریاست سطح پر نافذ لاک ڈاﺅن کے دوران مارچ سے مئی تک جاری لاک ڈاﺅن کی طرح ہی کسی وجہ سے غیر حاضر رہنے والے مستقل سرکاری اور ٹھیکہ پر کام کر رہے ملازمین کو جولائی کے ان کے مکمل تنخواہ کی ادائیگی کا فیصلہ لیا گیاہے ۔ ٹھیکہ اور آﺅٹ سورسنگ کے تحت کام کرنے والے ملازمین کو لاک ڈاﺅن مدت کی ان کی تقرری کی شرطوں کے تحت تنخواہ کی دائیگی قبل کی طرح ہی کی جائے گی۔

نائب وزیراعلیٰ نے کہاکہ روزانہ لوکل ٹرین سے سفر کر کے سکریٹریٹ آنے والے ملازمین کو لاک ڈاﺅن کی مدت میں حاضری سے چھوٹ دی گئی ہے۔ اس لئے ایسے ملازمین لاک ڈاﺅن کی مدت میں حاضر مانے جائیںگے ۔ اس کے علاوہ سرکاری کام سے دورے پر گئے اور لاک داﺅن نافذ ہونے کی وجہ سے ہیڈکوارٹر سے باہر رہے ملازمین کو بھی حاضر ماناجائے گا۔

مسٹر مودی نے کہاکہ ویسے ملازمین جو باضابطہ ہیڈکوارٹر چھوڑنے کی اجازت لیکر یا چھٹی منظور کراکر لاک ڈاﺅن سے پہلے باہر گئے اور لاک ڈاﺅن کے اعلان کی وجہ سے عام سواری نہیں ملنے سے اگر ہیڈکوارٹر میں حاضر نہیں ہوسکے تو انہیں بھی ڈیوٹی پر حاضر ماناجائے گا۔ اگر بغیر تعطیل منظور کرائے اور بغیر اجازت کے ہیڈکوارٹرسے باہر رہنے والے ملازمین کو ہیڈکوارٹر واپس آنے اور ضابطہ کے مطابق چھٹی منظور کرانے کے بعد ہی لاک ڈاﺅن کی مدت کی تنخواہ کی ادائیگی کی جائے گی ۔

وہیں لاک ڈاﺅن مدت میں اپنے مقررہ ہیڈکوارٹر میں موجود رہنے والے ویسے سبھی ملازمین کو جو بھلے ہی ہر ایک کام دن کو مقررہ مدت میں کام پر حاضر نہیں رہے ہوں کو تنخواہ کی ادائیگی کی جائے گی ۔