مظفر پور: منیجر سے 17 لاکھ کی لوٹ، بدمعاش فرار

ریاست بہار کے ضلع مظفر پور کے هتھوڑی تھانہ علاقہ کے گوپال پور گاؤں کے نزدیک بدمعاشوں نے موٹر سائیکل ایجنسی کے منیجر سے 17 لاکھ روپے لوٹ کر فرار ہو گئے۔

پولیس ذرائع نے بتایا کہ موٹر سائیکل ایجنسی کا منیجر انوج کمار سنگھ عرف لڈو گزشتہ رات انوج بیرو مقام پر واقع ایجنسی سے فروخت کی رقومات لے کر کار سے گھر واپس لوٹ رہا تھا کہ گوپال پور گاؤں کے نزدیک موٹر سائیکل سوار دو بدمعاشوں نے انہیں روک لیا۔
اس کے بعد بدمعاش منیجر کے پاس تھیلے میں رکھے 17 لاکھ روپے لوٹ کر فرار ہو گئے۔
ذرائع نے بتایا کہ معاملے کی اطلاع موصول ہوتے ہی شہر کے ایس پی نیرج کمار سنگھ کی قیادت میں ایک ٹیم تشکیل دے کر لوٹ میں ملوث بدمعاشوں کی گرفتاری کے لیے چھاپے مارنے شروع کر دیے ہیں۔