ارریہ شہر میں سڑک توسیع کا کام شروع، مقامی افراد کو مشکلات

ریاست بہار کے ضلع ارریہ کے گھوڑی چوک سے لے کر کھریا بستی تک کے سڑک کی توسیع کا کام شروع ہو گیا ہے۔ محکمہ سڑک تعمیرات کی جانب سے سڑکوں پر بنے گھر اور دکانوں کو جے سی بی مشین کی مدد سے توڑا جا رہا ہے۔

سڑک توسیع کا مطالبہ ایک زمانے سے یہاں کے مقامی لوگ کر رہے تھے جس پر باضابطہ کام شروع ہو گیا ہے۔ این ایچ اے آئی نامی کمپنی اس کام کو کر رہی ہے۔ گھوڑی چوک سے لے کر کھریا بستی تک سڑک کی لمبائی ڈیڑھ کیلو میٹر ہے اور دونوں جانب گھنی آبادی آباد ہے، جس کو سڑک کی توسیع کی وجہ سے نقصان پہنچ رہا ہے۔ وہیں سڑک توسیع کے دوران کچھ لوگوں کے گھر یا دوکان درمیان آ رہے تھے انہیں معاوضہ بھی دیا گیا ہے۔

یہ سڑک سیدھے نیشنل ہائی وے کو جوڑتی ہے، سڑک کی چوڑائی کم ہونے سے آئے دن یہاں حادثات ہوتے رہتے تھے، نیز سڑک کے درمیان بجلی کے کھمبا لگنے سے بھی حادثات کے خطرے بنے رہتے تھے، جس وجہ سے مقامی لوگ لمبے دنوں سے اس سڑک کی چوڑائی کا مطالبہ کر رہے تھے۔ جس کے بعد اب اس پر کام شروع ہو گیا ہے جس سے لوگوں میں خوشی دیکھی جا رہی ہے۔ وہیں سڑک توسیع میں جن لوگوں کے گھر یا دوکان درمیان آ رہے تھے انہیں معاوضہ بھی دیا گیا ہے۔

وہیں دوسری جانب سڑک توسیع میں جن لوگوں کے گھر توڑے جا رہے ہیں ان میں سے کئی لوگوں نے معاوضہ نہ ملنے کی بات کہی ہے، سریتا دیوی نے کہا کہ ہم لوگ ایک زمانے سے یہاں اس جگہ بسے ہوئے تھے، مگر اب ہم لوگوں کو یہاں سے ہٹایا جا رہا ہے، ان لوگوں نے یہ بھی الزام لگایا کہ جہاں تک گھر کو توڑنا تھا اس سے زیادہ بڑھ کر گھر کو توڑ دیا گیا-