کیمور: سڑک حادثہ میں بھائی کی موت، بہن زخمی

ریاست بہار کے ضلع کیمور میں پیش آئے ایک سڑک حادثہ میں پسماندہ طبقہ کے کمسن لڑکے کی موت ہونے اور اس کی بہن کے بری طرح زخمی ہونے کی اطلاع ہے۔

کیمور میں یہ حادثہ این ایچ -2 شاہراہ پر ڈڑکھلی موضع کے پاس رونما ہوا ہے۔ عینی شاہدین کے مطابق علاقے کا ایک نو سالہ لڑکا ڈونگا کمار اور بہن سونا کماری سڑک پار کرنے کی کوشش کررہے تھے کہ جب ہی راستے سے گزررہی ایک بس نے ان دونوں بھائی بہن کو ٹکر ماردی۔

سڑک حادثہ

مقامی لوگوں نے دونوں کو ضلع اسپتال میں داخل کرایا جہاں دوران علاج لڑکے کی موت واقع ہوگئی۔ لڑکی کی حالت تشویش ناک بتائی جارہی ہے جسے ڈاکٹروں نے وارانسی ریفر کر دیا ہے۔

سڑک حادثہ

مقامی لوگوں کا کہنا ہے غریبی اور لاچاری کے سبب اس بچی کا علاج نہیں ہو پا رہا ہے۔ اس حادثہ کے بعد مقامی لوگوں نے شاہراہ کو قریب تین گھنٹہ تک جام رکھا۔

سڑک حادثہ

حادثہ موہنیاں اور درگاٶتی سرحد پر ہو نے کے وجہ سے دونوں حلقہ کے تھانہ اور افسر اس معاملے میں کچھ بھی بولنے سے گریز کر تے رہے۔