آر ایل ایس پی کے قومی جنرل سکریٹری مستعفیٰ

ریاست بہار میں راشٹریہ جنتادل ( آ ر جے ڈی ) کی زیر قیادت مہا گٹھ بندھن میں سیٹ تقسیم سے پہلے حلیف جماعت راشٹریہ لوک سمتا پارٹی ( آر ایل ایس پی ) کے قومی جنرل سکریٹری رام بہاری سنگھ نے آج اپنے عہدہ سے استعفیٰ دے دیا۔

سنگھ نے یہاں پارٹی کے قومی صدر اور سابق مرکزی وزیر اپندر کشواہا کو اپنے استعفیٰ سے متعلق خط ارسال کر دیا ہے۔

انہوں نے اپنے خط میں کشواہا پر متعدد الزامات عائد کئے ہیں۔

سنگھ نے کہاکہ وہ کشواہا کی پالیسیوں سے کافی ناراض ہیں۔ ساتھ ہی انہوں نے یہ بھی الزام عائد کیا کہ پارٹی انتخاب میں سرمایہ داروں کو لوک سبھا کا امیدوار بناکر ٹکٹ فروخت کر رہی ہے۔