آرایل ایس پی کے قومی صدر اور سابق مرکزی وزیر اوپیندر کشواہا نےبہار کے دو پارلیمانی حلقوں سے انتخاب لڑنے کا اعلان کیا۔ ساتھ ہی انہوں نے آج تمام سیٹوں کے امیدواروں کے ناموں کا اعلان بھی کیا ہے۔
ایک سوال کے جواب میں اوپیندر کشواہا نے کہا کہ بی جے پی کی جانب سے ان کی پارٹی کو تباہ کرنے کی تمام ترکوششیں ناکام ہوگئیں۔
انہوں نے موجودہ حکمراں جماعت پر الزام عائد کرتے ہوئے کہا کہ ان پر جان لیوا حملہ کیا گیا، کئی بار ان کو زدوکوب کرنے کی کوشش کی گئی ،ان کی پارٹی توڑنے کی کوشش کی گئی۔
اوپیندر کشواہا کا مزید کہنا تھا کہ انہوں نےاجی پور اور کارا کاٹ سے انتخاب لڑنے کا فیصلہ اس لیے کیا کہ ایک جگہ جے ڈی یو اور دوسری جگہ بی جے پی کو شکست دے کر یہ ثابت کردوں کہ ہماری پارٹی کو تباہ کرنے والے عناصر خود ختم ہو جائیں گے۔
قابل ذکر ہے کہ 9 اپریل کو وہ یار پور اور 25 اپریل کو کارا کاٹ سے پرچہ نامزدگی داخل کریں گے۔
