نتیش کمار کے آخری انتخابی بیان پر مختلف رہنماؤں کا رد عمل

نتیش کمار کے آخری انتخابی بیان کے بعد، بہار میں سیاسی سرگرمیوں میں شدت آگئی ہے۔ مختلف جماعتوں کے رہنماؤں نے اس پر اپنا رد عمل دیا ہے۔

بہار اسمبلی انتخابات کے آخری مرحلے سے پہلے بہار کے وزیر اعلیٰ نتیش کمار نے ایک بڑا اعلان کیا ہے۔ پورنیہ کے دھمداہا میں نتیش نے اجتماع سے خطاب کرتے ہوئے کہا کہ یہ ان کا آخری انتخاب ہوگا۔ اس بیان کے بعد سیاست میں بیان بازی کا دور شروع ہوگیا ہے۔

کانگریس کے ترجمان رندیپ سورجے والا نے کہا ہے کہ اس بیان کے بعد یہ بات واضح ہوگئی ہے کہ این ڈی اے نے شکست قبول کرلی ہے۔

کانگریس کے قومی جنرل سکریٹری رندیپ سنگھ سرجے والا نے کہا کہ نتیش کمار نے آج انتخابی مہم کے آخری دن جس طرح سے یہ بیان دیا کہ یہ ان کا آخری انتخاب ہے، اس سے یہ بات واضح ہوگئی کہ بہار میں بی جے پی-جے ڈی یو اتحاد نے شکست تسلیم کی ہے۔

انہوں نے کہا کہ ہم شروع ہی سے کہتے رہے ہیں کہ بہار کے عوام تبدیلی چاہتے ہیں اور بہار میں ایک عظیم الشان مخلوط حکومت تشکیل دی جائے گی، سب نے اسے یقینی طور پر قبول کرلیا ہے۔

اسی کے ساتھ ہی آر ایل ایس پی کے سربراہ اوپیندر کشواہا نے کہا ہے کہ دھمداہا کے جلسے میں نتیش کمار نے جس طرح سے قبول کیا کہ اب وہ اپنی عمر کے آخری مرحلے پر پہنچ گئے ہیں۔ وہ یقینا اب تھک گئے ہیں، اس سے سب کچھ واضح ہوگیا ہے۔ انہوں نے کہا کہ وہ بڑے بھائی ہیں، ہم چاہیں گے کہ نتیش کمار چھوٹے بھائی کی حیثیت سے ہمیں آشرواد دیں۔

مرکزی وزیر مملکت نتیانند رائے نے دعوی کیا ہے کہ بہار میں این ڈی اے مضبوط اکثریت سے جیتے گی اور این ڈی اے بہار میں کم از کم 210 سیٹیں جیت پائے گی۔

انہوں نے کہا کہ بہار کے عوام نریندر مودی پر اعتماد رکھتے ہیں۔ انہوں نے اپوزیشن کو نشانہ بناتے ہوئے کہا کہ اپوزیشن کے لوگ عوام کو الجھانے کی کوشش کر رہے ہیں۔

جب نیتانند رائے سے پوچھا گیا کہ اپنی آخری ملاقات میں نتیش کمار نے کہا کہ یہ میرا آخری الیکشن ہے تو انہوں نے بھی اس پر اپنا رد عمل ظاہر کیا اور کہا کہ اپوزیشن کے لوگ کہیں نہ کہیں اس طرح کے بیان پر الجھن پھیلانے کی کوشش کر رہے ہیں۔ نتیش کمار نے 15 سال تک بہار کی خدمت کی ہے اور ان کی قیادت میں کہیں بہار کی ترقی کی ہے اور اس بار پھر وزیر اعلی نتیش کمار ہوں گے۔

آر جے ڈی ریاستی ترجمان مرتیونجئے تیواری نے وزیراعلی نتیش کے دیے گئے بیان پر طنز کرتے ہوئے کہا کہ نتیش کمار اب اپنی شکست سامنے دیکھ کر ایسی بات کر رہے ہیں۔ انہوں نے کہا کہ نتیش کمار کو پتہ چل گیا ہے کہ اب این ڈی اے کی شکست یقینی ہے اور یہ جانتے ہوئے ہی انہوں نے ایسی بات کہی ہے۔

آر جے ڈی رہنما نے کہا کہ نتیش کمار بالکل بھی قابل اعتماد نہیں ہیں۔ انہوں نے پہلے بھی کہا تھا کہ وہ بی جے پی کے ساتھ نہیں جائیں گے بلے ہی مٹی میں مل جاؤں۔ اسی وجہ سے لوگ ان پر مکمل طور پر اعتماد کھو چکے ہیں۔