ریپ کا ملزم پولیس کی گرفت سے دور

ملک بھر میں ریپ کے واقعات میں کمی کے بجائے اضافہ ہی ہوتا جارہا ہے ۔

گزشتہ 26 مارچ کو مببی تھانہ علاقے کے ایک گاؤں میں ایک 13 سال کی نابالغ کے ساتھ اس کے ہی پڑوسی لال بابو پرم ہنس نے حیوانیت کی ساری حدیں پار کردی اور نابالغ کے ساتھ ریپ کیا۔

اس واقعہ کے بعد اس نابالغ کے والدین نے دربھنگہ کے خاتون تھانہ لہیریا سرائے میں اس ملزم لال بابو پر ریپ کا معاملہ درج کروایا، اس واقعہ کو اب ایک مہینے سے زیادہ ہو گئے ہیں لیکن ملزم لال بابو بے خوف گھوم رہے ہیں لیکن پولیس اب تک اسے اپنی حراست میں نہیں لے سکی ہے وہیں اس نابالغہ کے والدین ڈر کے سائے میں اپنی زندگی گزار رہے ہیں اور دربھنگہ کے پولیس افسر سے بھی انصاف کی پکار لگا لگا کر تھک چکے ہیں لیکن اب تک انہیں انصاف نہیں ملا ہے،

اسی سلسلے میں آج اس نابالغ کے بے بس والدین اپنی نابالغہ بیٹی کو لیکر دربھنگہ کے پولیس کپتان بابا رام کے یہاں آئے تھے جس میں انہوں نے فریاد کی ہے کہ انھیں اس واقعہ کے بعد سے دھمکی آمیز پیغامات موصول ہورہے ہیں۔

ابھی تک ملزم لال بابو کی گرفتاری نہ ہونے سے یہ والدین کافی دہشت میں اپنی زندگی گزار رہے ہیں کیونکہ ملزم کے گھر پر کئی طرح کے ملزموں کا ہجوم لگا رہتا ہے اسی وجہ سے انھیں ڈر ہے کہ کہیں کوئی دوسرا حادثے نا ہوجائے۔