رام چندر پاسوان کی آخری رسومات کل ادا کی جائیگی

لوک جن شکتی پارٹی کے رکن پارلیمان اور رام ولاس پاسوان کے بھائی رام چندر پاسوان کی موت ہوگئی۔

رام چندر کے بھتیجے چراغ پاسوان نے اطلاع دی کہ ان کی آخری رسومات کل شام 4 بجے پٹنہ میں ادا کی جائیگی۔
چراغ پاسوان نے ٹویٹ میں اطلاع دی کہ آج شام 5 بجے سے چاچا رام چندر کی جسد خاکی کو آخری دیدار کے لیے انکی رہائش گاہ 18 راجیندر پرساد روڈ، نئی دہلی میں رکھا جائیگا۔کل صبع 11 بجے سے 3 بجے تک پٹنہ میں لوک جن شکتی پارٹی کے دفتر میں آخری دیدار کے لیے رکھا جائیگا۔شام 4 بجے ان کی آخری رسومات ادا کی جائیگی۔

رام چندر پاسوان کی آخری رسومات کل ادا کی جائیگی

گذشتہ دنوں انہیں دل کا دورہ پڑنے کی وجہ سے دہلی کے رام منوہر لوہیا اسپتال میں داخل کرایا گیا تھا۔جس کے بعد سے انکی حالت نازک بتائی جارہی تھی۔واضح رہے کہ رام چندر چوتھی مرتبہ رکن پارلیمان منتخب ہوئے تھے۔2019 لوک سبھا انتخاب میں وہ دوسری بار سمستی پور سے رکن پارلیمان منتخب ہوئے تھے۔وہ اپنے تینوں بھائیوں میں سب سے چھوٹے تھے۔