گودام پر چھاپہ

ریاست بہار کے ضلع گیا میں کھانے پینے کی اشیاء کی جانچ کے لیے شہر گودام میں محکمہ فوڈ کی چھاپہ ماری اور متعدد دکانوں سے نمونے لیے گئے۔

یہ مہم ضلع مجسٹریٹ کی ہدایت پر چلائی گئی ہے۔ ضلعی انتظامیہ بارہ ستمبر سے شروع ہونے والے پتر پکش میلے کی تیاریوں میں پوری طرح سے مصروف ہے۔

ضلع مجسٹریٹ کی ہدایت محکمہ فوڈ اور مجسٹریٹ کی نگرانی میں شہر کے گودام علاقہ میں واقع کئی دوکانوں پر چھاپے ماری کی گئی، تو وہی کئی دکانوں سے تیل اور مصالحہ کے نمونے اکٹھے کیے گئے تاکہ لیب میں بھیج کر اس کی جانچ کرائی جاسکے ۔

در اصل شہر کے گودام علاقے میں ملاوٹی اشیاء ملنے کی اطلاع ضلع مجسٹریٹ کوموصول ہوئی تھی۔

فوڈ پروٹیکشن آفیسر مکیش کشیپ نے بتایا کہ پرانے گودام میں اب تک چھ دکانوں پر چھاپے مارے جا چکے ہیں۔ نیز تمام دکانوں سے چاول اور تیل کے نمونے لیے گئے ہیں اور انہیں جانچ کے لیے بھیجا جائے گا۔ تاکہ پنڈدانیوں اور شہر کے باشندوں کو کسی بھی قسم کی پریشانی کا سامنا نہ کرنا پڑے۔