محکمہ صحت کی جانب سے نرسنگ ہومز پر چھاپہ

ریاست بہار کے ضلع کیمور میں محکمہ صحت کی جانب سے ضلع میں غیر قانونی طریقہ سے چلائے جا رہے نرسنگ ہومز پر چھاپہ مارا گیا۔

چھاپہ کے بعد وہاں ہل چل مچ گیی۔ محکمہ صحت کی ٹیم رامگڑھ بلاک کے دیوہلیاں قصبہ پہونچی جہاں جیوتی پرکاش موریہ کے کلینک پر چھاپہ مارا گیا اور کلینیک کو تالا لگایا گیا۔

کلینیک کے ڈاکٹر سے 24گھنٹہ کے اندر جواب طلب کیا ہے۔ چھاپہ ماری ٹیم نے کہا کہ 'اگر جواب اطمینان بخش نہیں رہا تو ایف ائی آر درج کیا جائے گا۔'
ٹیم جیسے ہی دیوہلیاں پہونچی فرضی نرسنگ ہومز چلانے والوں میں ہڑکمپ مچ گیا اور سبھی اپنے اپنے نرسنگ ہومز بند کر کے فرار ہو گئے۔

اس معاملے سے متعلق سول سرجن ارون کمار تیواری نے بتایا کہ 'ضلع میں سبھی نرسنگ ہومز کو نوٹس جاری کیا گیا ہے۔'