بہار کے ضلع سیتامڑھی کے سونبر سا بلاک کے مہولیا گاؤں میں سی اےاے ، این آر سی، این پی آر کے خلاف پانچ کلومیٹر کے انسانی زنجیر بنا کر احتجاج درج کرایا گیا، اس انسانی زنجیر میں بلا تفریق مذہب وملت کے لوگوں نے شرکت کی۔
اس موقع پر معروف سماجی کارکن محمد قمر الحسن نے کہا کہ ہمارا احتجاج اس وقت تک جاری رہے گا، جب تک کہ مرکزی حکومت سی اے اے قانون واپس نہیں لےلیتی ہے۔
انہوں نے یہ بھی کہا کہ سی اے اے ،این آر سی اور این پی آر ملک کےدلتوں،غریبوں اور پسماندہ طبقات کے خلاف ہے۔
انہوں نے نتیش حکومت پر تنقید کرتے ہوئے کہا کہ حکومت سی اے اے رد کرنےکی تجویزبہار اسمبلی میں پاس نہیں کرتی ہے تو اس کا خمیازہ آیندہ انتخابات میں بھگتنا پڑے گا۔
دلت سماج سے اوپندر پاسوان اور ستروہن بیٹھا نے کہا کہ سی اے اے قانون آئین کے خلاف ہے جسے ہرحال میں واپس لینا ہوگا۔
وہیں سماجی کارکن قمر اختر نے کہا کہ سی اے اے ،این آر سی اور این پی آر ملک کے مفاد میں نہیں ہے، لہذا اسے واپس لیا جانا چاہیے،اس موقع پرمحمد حیدرعلی خان،راجیش شاہ ، گنیش شاہ،جتن پاسوان و دیگر نے اپنے خیال کا اظہار کیا ۔
