Mirza Ghalib College مرزاغالب کالج کے پروفیسرانچارج نےاستعفی دیا

بہار کے ضلع گیا میں واقع اقلیتی ادارہ مرزاغالب کالج ان دنوں آپسی انتشار کا شکار ہے۔ اس دوران پروفیسر انچارج ڈاکٹرمحمد نسیم خان کواپنے عہدے سے استعفی دینا پڑا۔ نسیم خان گزشتہ ماہ یکم فروری کو ہی پروفیسر انچارج ڈاکٹرسرفرازخان کے سبکدوشی کے بعد چارج سنبھالا تھا۔ استعفی کی تصدیق سکریٹری شبیع شمسی نے کی ہے۔

ریاست بہار کے ضلع گیا میں واقع مزا غالب کالج کمیٹی کے انتخاب کا معاملہ ہائی کورٹ میں زیر التوا ہے۔ تاہم یہاں اقتدار کی کشمکش تیز ہوگئی۔ کالج کونسل کے چیئرمین محمد صدرالدین نے گزشتہ 28 فروری کو ہی گورننگ باڈی کو برخاست کرکے ایک ایڈ ہاک کمیٹی تشکیل دی ہے، حالانکہ گورننگ باڈی چیئرمین کے فیصلے کو ماننے کو تیار نہیں ہے۔ لیکن کالج کے بائی لاز کے مطابق چیئرمین کو کمیٹی برخاست کرنے کا اختیار ہے اور چیئرمین کا عہدہ غالب کالج کا سب سے پاور فل عہدہ ہوتا ہے۔

چیئرمین محمد صدرالدین نے 19 مارچ کو کالج کونسلرز کا اجلاس طلب کر لیا ہے، لیکن اس دوران کالج کے پروفیسر انچارج ڈاکٹر محمد نسیم خان نے استعفی پیش کردیا ہے۔ موجودہ انتظامیہ نے نسیم خان کے استعفیٰ کی تردید نہیں کی بلکہ سکریٹری شبیع شمسی نے اس کی تصدیق کی ہے۔ شبیع شمسی نے ای ٹی وی بھارت کے نمائندہ کو فون پر بتایاکہ پروفیسر انچارج نے استعفی دے دیا ہے، استعفی کی وجہ انہوں نے اپنی صحت کا حوالہ دیا ہے ۔واضح ہوکہ چیئرمین کے ذریعے کمیٹی کو برخاست کرنے کے بعد مالیاتی کام رک گئے ہیں۔

ساتھ بینکوں سے پیسے کو نکالنے اجازت نہیں ہوگی، چونکہ پروفیسر انچارج کالج کا ایک اہم ذمہ دار اور مالیاتی کام کاج اسکے اور سکریٹری کے جوائنٹ دستخط سے ہوتے ہیں۔ چیئرمین کی نوٹس کے بعد انہوں نے دستخط کرنے سے منع کردیا تھا جسکے بعد ان پر مالیاتی کام کاج کے لیے دستخط کرنے کا دباو تھا۔ حالانکہ اس حوالے سے ابھی پروفیسر انچارج ڈاکٹر نسیم احمد خان نے بات کرنے سے منع کردیا اور انہوں نے کہاکہ وہ کل اس حوالے سے اپنا بیان دیں گے، جبکہ آج ہی شام کو گورننگ باڈی کی میٹنگ اس حوالے سے ہونی ہے جس میں نئے پروفیسر انچارج کا انتخاب عمل میں لایا جائے گا۔