بزرگ سادھو کا پیٹ پیٹ کر قتل

ریاست بہار میں نالندہ ضلع کے سلاو تھانہ علاقہ کے ایک مندر میں بزرگ سادھو کو پیٹ پیٹ کر قتل کردیا گیا۔

پولیس ذرائع نے آج یہاں بتایا کہ کرینا گاوں کے شیو مندر میں 70سالہ سادھو امیش داس کو کل دیر رات بے رحمی سے پیٹ پیٹ کر قتل کردیا گیا۔ واقعہ کی اطلاع ملتے ہی گاوں والوں نے قاتل رجنیش عرف چھوٹو کو پکڑ کیا اور جم کر پٹائی کرنے کے بعد پولیس کو سونپ دیا۔ امیش داس گزشتہ ڈیڑھ برس سے اس مندر میں پوجا پاٹھ کررہے تھے۔
ذرائع نے بتایا کہ امیش داس سے پہلے رام پریت شرن اس مندر میں پجاری تھے۔ دو تین دن پہلے رجنیش نے رام پریت شرن کے ساتھ مار پیٹ کی تھی جس میں پجاری امیش داس نے بیچ بچاو کیا تھا۔ اسی سے ناراض رجنیش نے سادھو کو پیٹ پیٹ کر بے رحمی سے قتل کردیا۔ پولیس نے موقع پر قتل میں استعمال کیا گیا گدا برآمد کرکے قاتل رجنیش کو گرفتار کرلیا ہے۔ قاتل کی صرف چار دن پہلے ہی شادی ہوئی تھی۔ ملزم نے قبول کیا ہے کہ اس نے ہی پجاری کو قتل کیا ہے۔ لاش پوسٹ مارٹم کے لئے بہار شریف صدر اسپتال بھیج دی گئی ہے۔