کیا بہارمیں سی سی اے نافذ نہیں ہوگا؟

ریاست بہار میں جنتا دل یونائٹیڈ کے رہنما پرشانت کشور نے کانگریس ورکنگ کمیٹی کے اجلاس میں شہریت ترمیم قانون اور این آر سی کے مخالفت کے فیصلہ کا ٹوئٹ کرکے استقبال کیا۔

پرشانت کشور نے اپنے ٹوئٹر ہنڈل پر ایک پوسٹ لکھ کر اس کے لیے راہل گاندھی اور پرینکا گاندھی کا شکریہ ادا کیا اور ساتھ ہی ایک بار پھر یقین دلایا کہ بہار میں سی اے اے اور این آر سی نافذ نہیں ہوگا۔

'بہار میں سی اے اے اور این آر سی نافذ نہیں ہوگا'

تاہم ان کی یہ بات اہمیت کے حامل نہیں ہے کیوںکہ نائب وزیراعلی اور بی جے پی کے سینئر رہنما سشیلمودی نے کہا تھا کہ اس کی نوٹیفکیشن جاری کر دی گئی ہے لیکن پرشانت کشور کی دلیل یہ ہے کہ نتیش کمار نے این آر سی کو نافذ نہ کرنے کا اعلان کیا ہے اور این پی آر، این آر سی کا پہلا قدم ہے تو اسے بھی نافذ نہیں کیا جائے گا۔

وہیں جے ڈی یو کے رہنماؤں کا کہنا ہے کہ پرشانت کشور کے اس ٹویٹ نے نتیش کمار کی مشکلات میں اضافہ کر دیا ہے کیوںکہ اگر وہ این پی آر نافذ نہیں کرتے تو بی جے پی ناراض ہو جائے گی اور اگر نافذ کرتے ہیں تو اقتدار کے لیے ایک قدم آگے چل کر دو قدم پیچھے جانے کی انکے اقدام کا انکشاف ہوگا اور ان پر پہلے سے ہی یوٹرن کا الزام عائد ہے۔