سہسرام : تیجسوی یادو کی نکتہ چینی

راشٹریہ جنتا دل کے رہنما تیجسوی یادو پر عوام کو ذات پات میں الجھا کر ووٹ وصول کرنے کا الزام لگایا گیا ہے۔

ریاست بہار کے ضلع روہتاس کے علاقہ سہسرام میں دیے گئے تیجسوی یادو کے بیان پر سخت تنقید کی جا رہی ہے۔

ان پر عوام کو ذات پات میں الجھا کر ووٹ وصول کرنے کا الزام لگایا گیا ہے۔

تجسوی یادو نے سہسرام کے ڈھری میں اپنے خطاب کے دوران کہا کہ وزیراعلیٰ نتیش کمار کے دور اقتدار میں غریب کی فریاد نہیں سنی جا رہی ہے، جب کہ ان کے والد بابو صاحب یعنی لالو یادو کے زمانہ میں غریب کی داد رسی کی جاتی تھی۔

بہار اسمبلی انتخابات کے پہلے فیز کے انتخابی مہم کے خاتمے سے قبل انھوں نے یہ بیان دیا ہے۔

اس خطاب کے بعد جنتا دل یو کی جانب سے آر جے ڈی رہنما پر سخت تنقید کی گئی اور کہا گیا کہ وہ ذات پات کی سیاست کر عوام کو ورغلانے کی کوشش کر رہے ہیں، تاکہ وہ زیادہ سے زیادہ ووٹ حاصل کر سکیں۔