گیا میں پولیس ٹورنامنٹ کا آغاز

گیا میں آج سے پولیس ٹورنامنٹ کا آغاز کیا گیا ہے، پولیس لائن کے گراونڈ میں سیٹی ایس پی راکیش کمار نے والی بال کھیل کر ٹورنامنٹ کا افتتاح کیا ہے۔

بہار کے ضلع گیا میں آج سے پولیس ٹورنامنٹ کا آغاز کیا گیا ہے، پولیس لائن کے گراونڈ میں سیٹی ایس پی راکیش کمار نے والی بال کھیل کر ٹورنامنٹ کا افتتاح کیا ہے۔

ایس پی، ڈی ایس پی سے لیکر انسپکٹر اور جوان سبھی صحت و توانائی کی درستگی کے لیے کھیلوں میں حصہ لے رہے ہیں۔

یہ ٹورنامنٹ ایک ماہ تک چلے گا، اس میں والی بال، فٹبال، کرکٹ، کبڈی کا کھیل شامل ہے، بہترین کھلاڑی کو رینج اور ضلع سطحی ٹیم کے لیے سلیکشن کیا جائے گا تاکہ وہ کھیل کے مین اسٹریم سے جڑسکے۔

بہار پولیس کے جوان بی پی، ذیابیطس جیسی بیماریوں کے شکار ہو رہے ہیں۔ جس سے ان کی فٹنس پر سوالیہ نشان لگ رہا ہے۔

اس کے پیش نظر بہار پولیس ہیڈ کوارٹر نے پولیس اہلکاروں کی صحت و توانائی کی درستگی کے لیے آئی جی مگدھ کمشنری کی پہل پر کھیل کی منظوری دی گئی ہے، جس کا آغاز آج گیا میں جیا گیا ہے۔

اس ٹورنامینٹ کا پہلا میچ سٹی ڈی ایس پی بنام لا اینڈ آرڈر ڈی ایس پی کی ٹیم کے درمیان کھیلا گیا، جس میں سٹی ڈی ایس پی کی ٹیم نے جیت درج کی۔ دوپہر بعد کبڈی کا میچ کھیلا جائے گا اور اس میں بھی سیٹی ڈی ایس پی اور لا اینڈ آرڈر کی ٹیم آمنے سامنے ہوگی جبکہ سب ڈویژن میں شیرگھاٹی اور امام گنج ڈی ایس پی کی ٹیموں کے درمیان دو میچ ہوا۔

گیا پولیس لائن میں موجود سٹی ایس پی راکیش کمار نے بتایا کہ ڈی جی پی اور آئی جی کی ہدایت پر کھیل شروع ہوا ہے، کھیل فٹنس کے لیے بہت ضروری ہے، کھیل سے خوشگوار ماحول پیدا ہوتا ہے۔

انہوں کہا کہ ٹورنامنٹ میں بہترین کھلاڑیوں کا ڈیوزن اور ضلع سطح کی ٹیم میں شامل کیا جائے گا. اس کھیل کا مقصد صرف اور صرف جسمانی فٹنس ہے۔