دربھنگہ: بچہ چور گروہ کا انکشاف

سیٹی ایس پی دربھنگہ یوگیندر کمار نے کہا کہ اس گروہ کے تار دربھنگہ، سمستی پور، مدھوبنی، اور پڑوسی ملک نیپال سے جڑے ہوئے ہے۔

بھارت کی ریاست بہار کے دربھنگہ علاقہ میں پولیس نے سیٹی ایس پی دربھنگہ یوگیندر کمار کی قیادت میں ہیومن ٹریفکنگ گینگ کا انکشاف کرتے ہوئے اغوا گئے گئے تین بچیوں کے ساتھ سات افراد کو اب تک گرفتار کرنے میں کامیابی حاصل کی ہے۔

اس ریکٹ کو بے نقاب کرنے میں جمالپور تھانہ انچارج طاریق انور کا بھی اہم رول رہا ہے۔

اس معاملہ سے متعلق ای ٹی وی بھارت سے گفتگو کرتے ہوئے سیٹی ایس پی دربھنگہ یوگیندر کمار نے کہا کہ اس گروہ کے تار دربھنگہ، سمستی پور، مدھوبنی، اور پڑوسی ملک نیپال سے جڑے ہوئے ہے۔

آپکوں بتا دیں کہ یہ گرفتاریاں دربھنگہ کے بیرول تھانہ میں درج مقدمہ نمبر 212/19 کے سلسلہ میں ہوئیں ہیں۔ گرفتار کئے گئے ملازمین میں سونو کمار ولد پرمود کامتی ساکن ہاسو پور تھانہ کھانپور سمستی پور، روہت کمار، مدھوبنی، خوشبو خاتون ضلع مدھوبنی، کنچن دیوی ضلع مدھوبنی، رنجیت پودار ضلع مدھوبنی، روشن دیوی سمستی پور، سنیل کمار مدھوبنی کے نام شامل ہیں۔

پولیس کے مطابق گرفتار افراد کے پاس سے پانچ موبائل، آٹھ ہزار روپے نقد، ایک اے ٹی ایم، ایک پین کارڈ اور تین بچیوں کو برآمد کیا گیا ہے۔

غور طلب ہے کہ گرفتار شدہ خاتون کنچن دیوی پر مدھوبنی کے خاتون تھانہ میں پہلے سے ہی جسم فروشی کا ایک مقدمہ درج ہے۔

پولیس ذرائع کے مطابق اس گروہ کی گرفتاری کے لئے جمالپور تھانہ، راج نگر تھانہ اور خاتون تھانہ کی ایک مشترکہ ٹیم تشکیل دی گئی تھی۔

پولیس نے مصدقہ اطلاع کی بنیاد پر مشکوک مقامات پر چھاپے مار کر کنچن دیوی اور دیگر ملزمان کو گرفتار کر کے دربھنگہ لایا جہاں پوچھ تاچھ کے دوران خوشبو خاتون بچہ چوری کرنے کی بات تسلیم کرتے ہوئے انکشاف کیا کہ یہ لوگ جسم فروشی کی آڑ میں بچہ چور گروہ چلا رہے تھے، جس کی ماسٹر مائنڈ کنچن دیوی، روشن دیوی، رنجیت پودار اور سنیل کمار ہیں۔

ادھر سیٹی ایس پی دربھنگہ نے شُبہ ظاہر کیا ہے کہ ملزمین اغوا کئے گئے بچوں سے جسم فروشی کا کاروبار کرواتے تھے۔ پولیس کا کہنا ہے کہ ملزمین سے پوچھ تاچھ کی جارہی ہیں اور بہت جلد اس سلسلہ میں مزید گرفتاریاں متوقع ہیں۔