پٹنہ: بالی ووڈ اداکار عامر خان کے خلاف احتجاج

ریاست بہار کے دارالحکومت پٹنہ میں بالی ووڈ اداکار عامر خان کے خلاف احتجاج ان کا پتلا نذر آتش کرکے کیا گیا۔

ہمیشہ سرخیوں میں رہنے والے بالی ووڈ اداکار عامر خان نے حال ہی میں ترکی کے صدر کی اہلیہ سے ملاقات کی ہے۔

اس پر بھارت کی متعدد سماجی تنظیموں نے احتجاج کیا ہے۔ مظاہرہ میں شامل پرکاش مالاکار نے کہا کہ آج کے بعد عامر خان کی کوئی بھی فلم ریلیز نہیں ہونے دی جائے گی۔

خیال رہے کہ پٹنہ سٹی کے شکارپور علاقہ میں عامر خان کے خلاف احتجاج کیا گیا اور ان کے خلاف نعرہ بھی لگائے گئے۔ اس موقع پر مظاہرہ میں شامل افراد نے ان کے پتلے کو نذر آتش بھی کیا۔