گلناز قتل معاملے میں اب تک کوئی خاص پیش رفت نہیں ہوئی ہے۔ اس سے قبل پولیس نے دو ملزمین کی گرفتار کیا تھا۔ مگر گزشتہ دنوں ان ملزین کو امتحان دینے کے لیے رہا کر دیا گیا تھا جنہیں اب تک دوبارہ گرفتار نہیں کیا گیا ہے۔ وہیں، اس معاملے کے کلیدی ملزم کو اب تک گرفتار نہیں کیا گیا ہے۔
گلناز کے قاتلوں کی گرفتاری اور ان کے خلاف کارروائی کے لیے امارت شرعیہ نے قانونی چارہ جوئی شروع کر دی ہے۔ امارت شرعیہ ہائی کورٹ میں گلناز کا مقدمہ لڑ رہی ہے۔
امارت شرعیہ کے قائم مقام ناظم مولانا محمد شبلی القاسمی نے ای ٹی وی سے خصوصی ملاقات میں کہا کہ وہ سماج کے تمام طبقات کے مظلوموں کو انصاف دلانے کی کوشش کر تے ہیں۔ امارت شرعیہ بہار نے حکومت سے مطالبہ کیا ہے کہ ملزمین کی جلد از جلد گرفتاری ہو اور ان کے خلاف اسپیڈ ٹرائیل بھی ہو۔
