Patna Laborer Son Will Study in USA: امریکہ میں پڑھے گا بہار کے مزدور کا بیٹا

پٹنہ کے مہادلت خاندان کا بیٹا 17 سالہ پریم کمار کو امریکہ کے مشہور 'لافائیٹ کالج امریکہ' سے تعلیم حاصل کرنے کے لیے ڈھائی کروڑ روپے کی اسکالرشپ ملی ہے۔ Patna Laborer Son Will Study in USA

پٹنہ: پٹنہ پھلواری شریف کے رہائشی مہادلت خاندان کا بیٹا اب امریکہ میں اپنا مستقبل سنوارے گا۔ درحقیقت پٹنہ کے گونپورہ گاؤں کے 17 سالہ پریم کمار کو امریکہ کے مشہور 'لافائیٹ کالج امریکہ' سے تعلیم حاصل کرنے کے لیے ڈھائی کروڑ روپے کی اسکالرشپ ملی ہے۔ Patna Laborer Son Will Study in USA

پریم دنیا کے 6 طلبا میں سے بھارت کا پہلا مہادلت طالب علم ہے جس نے یہ کارنامہ انجام دیا ہے جو لافائیٹ کالج سے باوقار 'ڈائر فیلوشپ' حاصل کرے گا۔ پریم کا تعلق بہار کی مہادلت مسہر برادری سے ہے اور اس کا خاندان بہت غریب ہے۔

پریم گزشتہ چار برس سے پٹنہ میں واقع ایک عالمی ادارے کے ساتھ جڑ کر تعلیم حاصل کر رہا ہے۔ اسی دوران اسے انسٹی ٹیوٹ سے یہ اطلاع ملی کہ لافائیٹ میں اس کا سلیکشن ہوا ہے۔ اس کو اپنی انڈرگریجویٹ اور پوسٹ گریجویٹ (یو جی اور پی جی) کی ڈگریاں حاصل کرنے کے لیے کالج کی طرف سے 2.5 کروڑ روپے کی اسکالرشپ حاصل کی ہے۔ اس میں ٹیوشن فیس، رہائش، کتابیں، ہیلتھ انشورنس، سفری اخراجات وغیرہ تمام چیزیں شامل ہیں۔ Patna Laborer Son Will Study in USA

پریم اپنے خاندان کا کالج جانے والا پہلا طالب علم ہے اس سے پہلے اس کے خاندان کا کوئی بھی فرد کالج نہیں گیا ہے۔ تاہم پریم اب لافائیٹ کالج امریکہ سے مکینیکل انجینئرنگ اور بین الاقوامی تعلقات کی تعلیم حاصل کریں گا۔ کالج پورے چار سال تک ان کی تعلیم اور رہائش کے تمام اخراجات برداشت کرے گا

پریم کمار کے والد جیتن مانجھی مزدور ہیں۔ ماں کلاوتی دیوی کا 10 سال قبل انتقال ہو گیا تھا۔ پریم اپنی پانچ بہنوں میں اکلوتا بھائی ہے۔ اس نے میٹرک کا امتحان 2020 میں شوشت سمادھان مرکز اڑان ٹولہ، داناپور سے پاس کیا تھا اور پھر اسی سمادھان سنٹر سے 2022 میں سائنس (ریاضی) سے انٹر کا امتحان پاس کیا۔

واضح رہے کہ 14 سال کی عمر میں قومی تنظیم ڈیکسٹیرٹی گلوبل نے پریم کمار کے ٹیلنٹ کو پہچانا اور اور اپنے ادارے میں جگہ دی۔ بعد ازاں پریم کو تنظیم ڈیکسٹیرٹی نے مسلسل تربیت دی جس کی وجہ سے اس کا سلیکشن لافائیٹ کالج امریکہ میں ہوپایا ہے۔