پٹنہ: بی جے پی رکن پارلیمان کورونا سے متاثر

ریاست بہار کے درالحکومت پٹنہ کے پاٹلی پُتر سے بھارتیہ جنتا پارٹی کے رکن پارلیمان رام کرپال یادو اور ان کی اہلیہ کورونا سے متاثر پائے گئے ہیں۔

بہار میں کورونا وائرس متاثرین کی تعداد میں اضافے کا سلسلہ جاری اور اب اس کی زد میں بھارتیہ جنتا پارٹی کے رکن پارلیمان بھی آگئے ہیں۔

سابق مرکزی وزیر اور بی جے پی کے رکن پارلیمان رام کرپال یادو اور ان کی اہلیہ کے کورونا متاثر ہونے سے ان کے چاہنے والوں میں تشویش کی لہر دوڑ گئی ہے۔

فی الحال کرپال یادو کو کوارنٹین کر دیا گیا ہے اور اس دوران ان سے ملاقات کرنے والوں کی فہرست تیار کی جا رہی ہے تا کہ وائرس کا انفیکشن مزید نا پھیل سکے۔

واضح رہے کہ اس سے قبل بی جے پی سے منسلک کئی لیڈران کورونا وائرس سے متاثر ہوچکے ہیں۔