دربھنگہ: میڈیکل کی طالبہ ماسک بنا کر ضرورت مندوں میں کر رہی ہے تقسیم

بہار کے ضلع دربھنگہ میں پیرا میڈیکل کی طالبہ منیرا مسلسل اپنے ہاتھوں سے ماسک بنا کر این ایس یو آئی کے ذریعے ضرورت مندوں میں تقسیم کروا رہی ہے۔

ریاست بہار کے ضلع دربھنگہ میں ایک پیرا میڈیکل کی طالبہ منیرا کافی سرخیوں میں ہے اور وہ این ایس یو آئی کی آئیکن بنی ہوئی ہیں۔ کورونا وائرس سے بیدار کرنے کے مہم میں خود سے ماسک بنا کر ضرورت مندوں میں تقسیم کر رہی ہے۔

پیرا میڈیکل کی طالبہ منیرا

این ایس یو آئی کے ضلع صدر تری بھون کمار نے کہا کہ اس عالمی وبا کے دوران این ایس یو آئی ضلع کے مختلف علاقوں میں ماسک، ڈیٹال صابن اور سینیٹائزر ضرورت مندوں کے درمیان تقسیم کر رہی ہے۔ اس میں منیرا خود سے ماسک بنا کر انسانی جذبہ کو فروغ دے رہی ہے۔ میں ان کے انسانی جذبات کو سلام پیش کرتا ہوں۔

وہیں ابھی منیرا کا کالج بند ہونے کی وجہ سے وہ اپنے وقت کو ضائع نہیں کرنا چاہتی ہے اور اپنے وقت میں ماسک بنا کر دوسری طلبہ کے لیے مثال پیش کر رہی ہے۔

دربھنگہ میں پیرا میڈیکل کی طالبہ منیرا ماسک بنا کر ضرورت مندوں میں تقسیم کر رہی ہے

انہوں نے دوسری طلبہ کو منیرا سے سبق لینے کی بھی نصیحت دی۔