گوپال گنج: رام جانکی پل ایک ماہ کے اندر منہدم

ریاست بہار کے ضلع گوپال گنج میں گنڈک ندی پر رام جانکی پل کی تعمیر کی گئی تھی۔

حکومت بہار نے 263 کروڑ کی لاگت سے دریائے گنڈک پر یہ پل تعمیر کرایا تھا۔

اس پل کو بنانے میں 8 سال لگے۔

اس پل کا سنگ بنیاد وزیر اعلی نتیش کمار نے سن 2012 میں رکھا تھا۔

نتیش کمار نے صرف ایک ماہ قبل 16 جون کو ویڈیو کانفرنسنگ کے ذریعے رام جانکی پل کا افتتاح کیا تھا۔

گوپال گنج میں پل گرنے کے بعد حزب اختلاف کے رہنما کے ذریعہ برسر اقتدار جماعت پر سخت نکتہ چینی کی جا رہی ہے۔

حزب اختلاف نے حکومت سے مطالبہ کیا ہے کہ اس کی تحقیقات ہائی کورٹ کے سابق جج یا قانون ساز اسمبلی کے ذریعہ تشکیل دی جانے والی آل پارٹی کمیٹی کے ذریعہ کروائی جائے اور انتخاب سے قبل تحقیقاتی رپورٹ کو عام کیا جائے۔

بدھ کے روز پل کے گرنے سے چمپارن، ترہوت اور سرن کا رابطہ ختم ہوگیا ہے۔

یہ پل صرف 29 دنوں کے اندر منہدم ہوگیا۔

حزب اختلاف کا الزام ہے کہ نتیش کمار کی حکومت کے دوران بہار میں بڑے پیمانے پر بدعنوانیاں ہوئی ہیں۔

گوپال گنج میں لگاتار بارش کی وجہ سے گنڈک ندی تیز رفتاری سے بہنے لگی۔ اس وجہ سے پل کا ایک حصہ گر کر تباہ ہوگیا۔

اس 1440 میٹر لمبے پل کی تعمیر سے گوپال گنج، سارن، مشرقی چمپارن، مظفر پور، سیتا مڑھی اور شیوہر اضلاع کے درمیان راستہ ہموار تھا۔ تاہم اب پھر راستہ منعقع ہو گیا ہے۔