بہار حکومت کا انوکھا منصوبہ

بہار کی حکومت ' آن لائن پنڈ دان 'کے نام سے ایک نیا منصوبہ شروع کرنے جا رہی ہے۔ اس کی مدد سے دور دراز میں رہنے والے لوگ اپنے بزرگوں کا پنڈ دان کرسکیں گے۔

محکمہ سیاحت کے ڈائریکٹر آنند شرما نے اس کی جانکاری دی۔
آنند شرما نے بتایا کہ کئی بار ایسا ہوتا ہے کہ جو لوگ ملک کے باہر رہتے ہیں وہ اپنے بزرگوں کا 'پنڈ دان' کرنے نہیں آسکتے ہیں۔اس بات کو دیکھتے ہوئے محکمہ سیاحت نے اس منصوبے کی شروعات کی ہے۔
انہوں نے مزید بتایا کہ اس منصوبے کو آن لائن موکشھ کا نام دیا گیا ہے۔ اس کی مدد سے غیر ممالک میں رہنے والے لوگوں کے لیے اپنے بزرگوں کو 'پنڈ دان' دینےمیں سہولت ہوگی۔
'آن لائن موکشھ' کے لیے محکمہ سیاحت کو سات ہزار پانچ سو کی ادائیگی کرنی ہوگی۔
اس آن لائن منصوبہ کے تحت ویڈیو کے ذریعے پوجا ہوگی اور بعد میں اس کی سی ڈی بھی مہیا کی جائے گی۔
آنند شرما نے مزید بتایا کہ محکمہ کو کئی شکایتیں ملتی تھیں کہ معاشی کمزوری کے سبب دوردراز کے لوگ اپنے بزرگوں کا پنڈدان نہیں کرپا رہے ہیں جس کے مد نظر محکمہ نے 'آن لائن موکشھ' کی شروعات کی ہے