ریاست بہار کے شہر گیا میں مارچ گیا ریلوے اسٹیشن سے نکل کر غیر معینہ مدت کے لیے شانتی باغ پہنچا تھا۔ مارچ کے بعد نکسلی خاتون کی گرفتاری ہوئی ہے۔
سی اے اے مارچ کے دوران نکسلی خاتون گرفتار
بہار کے شہر گیا میں کئی برسوں سے مفرور نکسلی خاتون کی گرفتاری ہوئی ہے۔ سی اے اے، این آر سی اور این پی آر کی مخالفت میں 'جن ابھیان بہار مارچ' دس مختلف تنظیموں کی جانب سے نکالا گیا تھا جس میں یہ خاتون شامل تھی۔
پولیس کا دعوی ہے کہ تفتیش کے دوران اس نے اعلی نکسلیوں سے اپنے تعلقات کا اعتراف کر لیا ہے۔ مذکورہ خاتون گذشتہ برس شیرگھاٹی کے لٹوا میں پیش آنے والے سی آر پی ایف اور نکسلیوں کے تصادم میں بھی شامل تھی۔ وہ اس وقت سے فرار تھی۔ اس کی گرفتاری کے متعلق پولیس کا دعوی ہے کہ مارچ کے اختتام کے بعد کلاوتی نامی نکسلی خاتون کو گرفتار کیا گیا ہے۔