افسران کے ڈرائیورز کی آپس میں تکرار، ویڈیو وائرل

ریاست بہار کے ضلع گیا کلکٹریٹ میں منگل کو دو افسران کے ڈرائیور کسی بات کو لیکر آپس میں بھڑ گئے۔

معاملے نے اتنا طول پکڑ لیا کہ کلکٹریٹ میں ڈی ایم چیمبر کے سامنے ایک دوسرے پر دونوں نے خوب لاٹھیاں بھانجیں۔ اس سے کچھ وقت کے لیے کلکٹریٹ میں افراتفری کاماحول پیدا ہوگیا ۔ کلکٹریٹ میں موجود دوسرے اسٹاف کی مداخلت کے بعد معاملہ ٹھنڈا ہوا۔

اس تکرار کا پورا ویڈیو وہاں موجود کسی نے بنالیا۔ ویڈیو بڑی تیزی کے ساتھ وائرل ہو رہا ہے ۔

جس وقت یہ تکرار ہوئی تھی اسوقت ڈسٹرک مجسٹریٹ ابھشیک کمار سنگھ اپنے دفتر میں موجود نہیں تھے ۔

اطلاع کے مطابق سی ڈی پی او کی گاڑی کے ڈرائیور اور ضلع ایجوکیشن افسر کی گاڑی کے ڈرائیور کلکٹریٹ میں دوپہر کو آپس میں بھڑ گئے ۔

معاملہ اعلی حکام تک پہنچ چکا ہے۔ دونوں پر کاروائی کرنے کی بات کی جارہی ہے۔