BDO Return Home اوبرا بلاک افسر محمد یونس کی دو دنوں بعد صحیح سلامت گھر واپسی

اورنگ آباد ضلع کے اوبرا بلاک کے بی ڈی او محمد یونس گزشتہ دو دنوں سے لاپتہ تھے تاہم آج وہ اپنے گھر واپس آچکے ہیں ، بی ڈی او کے اچانک لاپتہ ہونے سے بہار حکومت کے محکمہ میں ہنگامہ برپا ہوگیا تھا ۔ڈی ایس پی نے کہاکہ سلامتی کے ساتھ واپس آگئے ہیں اور وہ فلحال اپنے رشتے داروں کے پاس ہیں آنے کے بعد پوری صورتحال واضح ہوگی

گیا:ریاست بہار کے مگدھ کمشنری میں واقع اورنگ آباد ضلع کے اوبرا بلاک کے بی ڈی او محمد یونس کا اچانک لاپتہ ہونا اور پھر تین دنوں میں واپس آنا ایک معمہ ہوگیا ہے ، محمد یونس ضلع گیا کے امام بلاک کے رانی گنج کے رہنے والے ہیں اور وہ فلحال اوبرا بلاک میں بی ڈی او ' بلاک ترقیاتی ' افسر کے عہدے پر بحال ہیں۔ اطلاع کے مطابق بی ڈی او محمد یونس بدھ کو اپنے دفتر سے نکل کر اسٹیشن گئے تھے اور پھر وہاں سے انکا کوئی سراغ نہیں ملا ، گھر والوں نے ان سے موبائل فون پر رابطہ کرنے کی کوشش کی تاہم ان سے رابطہ نہیں ہوسکا جسکے بعد گھر کے افراد نے اسکی اطلاع اوبرا تھانہ کو دی ،

پولیس کو بھی بی ڈی او محمد یونس کے تعلق سے کوئی سراغ نہیں مل رہا تھا تاہم اسی دوران آج وہ اچانک اپنے گھر پہنچے۔اورنگ آباد کے ڈی ایس پی نے اس حوالہ سے بتایا کہ بی ڈی او محمد یونس رات میں اپنے سرکاری کوارٹر پر پہنچ چکے ہیں ، وہ خود پہنچے ہیں اور پولیس کو جب اسکی اطلاع ملی تو تصدیق کے لیے پولس موقع پر پہنچی ، محمد یونس کی اہلیہ سے فون پر بات ہوئی ہے جنہوں نے بتایاکہ محمد یونس واپس آچکے ہیں ،

محمد یونس کی اہلیہ ناصری گنج میں اپنے بھائی کے پاس ہیں جو ناصری گنج بلاک کے بی ڈی او بھی ہیں ، انہوں نے کہاکہ بی ڈی او اچانک کہاں گئے پورا کیا معاملہ ہے پولیس اس پر تفتیش کرے گی ، کوئی گھریلو معاملہ ہے یا کوئی اور بات ہے سبھی پہلوں پر جانچ کی جائے گی۔