بہار کے سابق وزیر اعلیٰ اور ہندوستانی عوام مورچہ کے قومی صدر جیتن رام مانجھی ایک اجلاس عام سے خطاب کرنے کے لئے ارریہ پہنچے۔جہاں پارٹی کارکنان نے ان کا استقبال جوش و خروش کے ساتھ کیا۔
مانجھی سرکٹ ہاؤس پہنچے اور میڈیا اہلکاروں سے روبرو ہوئے.
صحافیوں سے بات کرتے ہوئے جیتن رام مانجھی نے کہا کہ بہار کی نتیش حکومت ہر آج محاذ پر ناکام نظر آ رہی ہے، جس طرح مرکزی حکومت سی اے اے قانون اور این آر سی پر عوام میں دہشت پیدا کر رہی ہے۔
’این پی آر؛ این آر سی کی طرف پہلا قدم ہے۔‘ انھوں نے مزید کہا کہ اس میں نتیش کمار بھی پیش پیش ہیں، جتنی گنہگار مودی و امت شاہ ہیں اتنی ہی بہار میں نتیش کمار ہیں جنہوں نے دونوں ایوانوں میں سی اے اے کی حمایت کی تھی اور اب کہہ رہے ہیں یہاں این آر سی نافذ نہیں ہوگا.
جیتن رام مانجھی نے کہا کہ یہ نتیش حکومت کا دوہرا معیار ہے جسے عوام خوب سمجھ رہی ہے مگر عوام اب ان کی باتوں میں نہیں آئے گی ۔
جیتن رام مانجھی نے کہا جب تک یہ قانون واپس نہیں ہو جاتا تب تک وہ لوگ پوری مضبوطی کے ساتھ عوام کے حق لیے لڑتے رہیں گے اورانہیں فتح حاصل کریں گے.
