مارکسی کمیونسٹ پارٹی کی نتیش سے فریاد

مارکسی کمیونسٹ پارٹی نے بہارکے بیگوسرائے میں اپنے دفتر پر ہوئے حملے کی سخت مذمت کی ہے اور ریاست کے وزیراعلی نتیش کمار سے سیکورٹی کی مانگ کی ہے۔

پارٹی کے قومی سکریٹری منڈل نے جمعہ کو یہاں جاری بیان میں کہا کہ لوک سبھا انتخابات کے نتائج آنے کے بعد نشہ میں بھارتیہ جنتا پارٹی کے کارکنوں نے بم اسٹک، پتھر اور اینٹوں کے ساتھ بیگو سرائے میں سی پی ایم کے دفتر پر حملہ کیا۔ ان غنڈوں نے سی پی ایم کے کئی کارکنوں کو زخمی کردیا۔

پارٹی کا کہنا ہے کہ بیگوسرائے لوک سبھا سیٹ سے سی پی ایم کے امیدوار کنہیا کمار نے بی جے پی کے امیدوار گری راج سنگھ کو سخت چیلنج پیش کیا جس سے بی جے پی کے کارکن ناراض تھے۔

پارٹی نے بہار حکومت خاص طورپر وزیراعلی نتیش کمار سے درخواست کی کہ سیاسی جماعتوں کے کارکنوں خاص طورپر لیفٹ پارٹیوں کے کارکنوں اور ان کے دفاتر کو تحفظ فراہم کیا جائے۔

خیال رہے کہ اس الیکشن میں گری راج سنگھ نے کمار کو بری طرح شکست دی اور پولنگ سے پہلے بی جے پی اور لیفٹ حامیوں کے مابین کئی مرتبہ تصادم بھی ہوئے ہیں۔