وزیر اعلیٰ کے اس خاص خطاب کو کشن گنج ٹاون ہال میں ویڈیو کانفرنسنگ کے زریعہ دیکھا گیا جس میں ضلع انتظامیہ کے علاوہ رکن اسمبلی ماسٹر مجاہد عالم اور کثیر تعداد میں عوام نے شرکت کی۔
جل جیون ہریالی مہم کی شروعات پروگرام سے خطاب کرتے ہوئے وزیر اعلیٰ نے کہا کہ 'ہم نے گھر گھر بجلی فراہم کرنے کے کام کیا ہے.'
انہوں نے کہا کہ 'پانی کے غلط استعمال کو روکنا ضروری ہے. حکومت اب پیڑ لگانے پر زور دے رہی ہے تاکہ پانی کو بچایا جا سکے. اس موقع پر انہوں نے 32781 اسکیموں کا سنگ بنیاد رکھا، ساتھ ہی جل جیون مہم پر کتاب بھی جاری کی.'
جل جیون ہریالی مہم کی شروعات پروگرام کے بعد نمائندہ ائی ٹی وی بھارت سے خاص بات چیت کے دوران جے ڈی یو رکن اسمبلی ماسٹر مجاہد عالم نے کہا کہ جل جیون ہریالی پروگرام کی شروعات گزشتہ 2 اکتوبر کو ہونی تھی لیکن ضمنی انتخابات کی وجہ سے ضابطہ اخلاق کے نفاذ کے سبب آج اس کی شروعات کی گئی ہے۔
بہار کے گیا، دربھنگہ اور نالندہ ضلع میں پانی کی سطح بہت نیچے چلی گئی، بہت سارے ٹیوب ویل اور پمپ خشک ہوگئے ہیں۔ اس کے بعد بارش اور سیلاب آگئے.
ان تمام صورتحال سے نمٹنے کے لئے 13 جولائی 2019 کو وزیر اعلیٰ نتیش کمار نے سبھی رکن اسمبلی و دیگر زمداران کے ساتھ اس سلسلے میں مسلسل 08 گھنٹے چرچہ کر اس پروگرام کو زمین پر لانے کا کام کیا.
