کابینہ کی توسیع جلد ہی کی جائےگی: نتیش کمار

نتیش کمار نے کہا کہ بہار قانون ساز کونسل کی دو سیٹوں کے ضمنی انتخاب کے لئے آج سید شاہنواز حسین اور مکیش سہنی نے نامزدگی کی ہے۔ انہیں این ڈی اے کا امیدوار بنایا گیا ہے۔ کابینہ کی توسیع جلد ہی کی جائےگی۔

بہار قانون ساز کونسل کی دو نششتون پر ہونے والے ضمنی انتخاب کے لئے آج بی جے پی کے قومی ترجمان سید شاہنواز حسین اور وی آئی پی پارٹی کے موکیش سہنی نے نامزدگی کا پرچہ داخل کیا۔

اس موقع پر ریاست کے وزیر اعلیٰ نتیش کمار بھی موجود تھے۔ نامزدگی کے عمل کے بعد وزیر اعلیٰ نتیش کمار نے کہا کہ بہار میں این ڈی اے کی چارو اتحادی پارٹیاں ساتھ مل کر کام کر رہی ہیں۔ سبھی پارٹیاں متحد ہو کر حکومت کو تعاون کر رہی ہیں۔

انہوں نے کہا کہ بہار قانون ساز کونسل کی دو سیٹوں کے ضمنی انتخاب کے لئے آج سید شاہنواز حسین اور مکیش سہنی نے نامزدگی کی ہے۔ انہیں این ڈی اے کا امیدوار بنایا گیا ہے۔ سب مل جل کر کام کر رہے ہیں۔

کابینہ توسیع کے متعلق کئے گئے سوال کا جواب دیتے ہوئے انہوں نے کہا کہ کابینہ کی توسیع جلد ہی کی جائےگی۔