دہلی: وزیر اعلی نتیش کمار مشن 2024 کے سلسلے میں دہلی میں مختلف پارٹیوں کے رہنماؤں سے ملاقات کر رہے ہیں اور اسی سلسلے میں انہوں نے سب سے پہلے راہل گاندھی سے ان کی تغلق لین والی رہائش گاہ پر ملاقات کی۔ سمجھا جاتا ہے کہ دونوں رہنماؤں نے 2024 کے عام انتخابات میں اتحاد سے متعلق معاملے پر بات چیت کی۔ Nitish Kumar Meets Rahul Gandhi In Delhi
پٹنہ روانہ ہونے سے پہلے نتیش کمار نے راشٹریہ جنتا دل کے سربراہ لالو یادو سے ملاقات کی۔ دہلی پہنچنے کے بعد وہ راہل گاندھی سے ملے۔ بتایا جاتا ہے کہ ان کا منصوبہ نیشنلسٹ کانگریس پارٹی کے رہنما شرد پوار، جنتا دل ایس رہنما کمار سوامی، سماج وادی پارٹی کے رہنما اکھلیش یادو، عام آدمی پارٹی کے رہنما اروند کیجریوال اور ڈی ایم کے رہنماؤں کے ساتھ ساتھ کئی دوسرے رہنماؤں سے ملنے کا ہے۔ Nitish Kumar Meets Rahul Gandhi