ریاست بہار کے وزیراعلی نتیش کمار نے سابق وزیر آنجہانی ارون جیٹلی کے یوم پیدائش کے موقع پر ان کے مجسمے کی نقاب کشائی کی اور کہا کہ جیٹلی کی بہار سے خصوصی انسیت تھی اور ان کے دل میں یہاں کے لوگوں کے تئیں احترام کا جذبہ تھا ۔
وزیراعلی نے جیٹلی کی اہلیہ سنگیتا جیٹلی اور اہل خانہ کے دیگر اراکین کی موجودگی میں کنکڑ باغ پارک نمبر 31 میں سابق مرکزی وزیر ارون جیٹلی کی قد آور مجمسے کی نقاب کشائی کی ۔
انہوں نے کہا کہ ’’وہ بہار کے رہنے والے نہیں تھے لیکن ان کا بہار سے خصوصی لگاؤ تھا، بہار کے لوگوں کے تئیں ان کے دل میں احترام کا جذبہ تھا۔ انہوں نے بہار کے لئے جو تعاون دیا ہے اسے ہم بھول نہیں سکتے‘‘۔