گیا کے بی ایس این ایل دفتر میں آدھار کیندر کاقیام

ریاست بہار کے ضلع گیا کے بی ایس این ایل کسٹمر سروس سینٹر آفس میں آدھارکیندر قیام عمل میں آیا ہے۔

اس سروس سینڑ میں مفت میں آدھار کارڈ بنائے جائیں گے۔ جب کہ آدھار کارڈ میں کسی بھی ترمیم و اضافہ کے لیے رقم لی جائے گی۔

بھارت سنچار نگم لمیٹڈ کے جنرل منیجر ایس کے چورسیا نے بتایا کہ بی ایس این ایل کسٹمر سروس سینٹر جی بی روڈ گیا آفس میں آدھار خدمت مرکز قائم کیا گیا ہے ۔

اس دفتر میںإ آدھار کارڈ کا رجسٹریشن کیا جائے گا اور یہ قدم عوام کی بہتری اور سہولت کے لئے کیا گیا ہے۔

آدھار کی نئی رجسٹریشن مفت میں کی جائے گی اورکسی طرح کی تبدیلی وسدھار کی 50 روپئے وصول کئے جائیں گے۔

اس کے ساتھ ہی پیمیٹ کاؤنٹر بھی یہاں قائم کیا گیا ہے۔

انہوں نے مزید بتایا کہ ضلع گیا کے ساتھ ہی ضلع نوادہ میں بھی آدھار خدمت مرکز قائم کیا گیا ہے۔

ان کا یہ بھی کہنا تھا کہ جہان آباد اور اورنگ آباد میں قائم کیاجائے گا، تاکہ عوام کو سہولت مل سکے۔