بہار میں نیپال کی شراب برآمد

بہار کے سپول ضلع میں ہند و نیپال سرحد کے نزدیک سے سرحدی سکیورٹی فورس (ایس ایس بی) کے جوانوں نے آج کثیر مقدار میں نیپال کی شراب برآمد کی ہے۔

ایس ایس بی 45 ویں بٹالین کے کمانڈنٹ ہرے کرشنا گپتا نے بتایا کہ 'اطلاع ملی تھی کہ نیپال سے شراب کی کھیپ سرحدی ستون نمبر 219/31 کے قریب سے ہندوستان میں آنے والی ہے۔ اسی بنیاد پر ایک خصوصی ٹیم تشکیل دے کر سرحدی ستون نمبر 219/31 کے قریب کوسی ندی کے کنارے ناکہ بندی کی گئی۔'

اس دوران دیکھا گیا کہ 'دو لوگ سائیکل پر بوری لاد رہے ہیں۔ پولیس کو دیکھتے ہی دونوں افراد سامان اور سائیکل چھوڑ کر ندی میں کود گئے۔ پولیس کے ذریعہ ان کا تعاقب کیا گیا لیکن دونوں نیپال کی حدود میں فرار ہو گئے۔'

گپتا نے بتایا کہ 'سائیکل پر لدی بوریوں سے 1600بوتل نیپالی شراب برآمد کی گئی ہے ۔ برآمد شراب ایکسائز محکمہ کو سپرد کر دی گئی ہے۔'