این ڈی اے اور کانگریس کے حامیوں نے والمیکنگر اسمبلی حلقہ کے تحت بھارت ۔ نیپال سرحد کے قریب آپس میں الجھ گئے۔ کانگریس امیدوار راجیش سنگھ کے بھائی نے بھی اس معاملے میں مقامی پولیس اسٹیشن میں شکایت درج کروائی ہے۔
جس میں انہوں نے جے ڈی یو امیدوار دھریندر پرتاپ سنگھ اور ان کے حامیوں پر کانگریس کے قافلے پر جان لیوا حملے کا الزام عائد کیا ہے۔
والمیکی نگر اسمبلی حلقہ کے تحت بھوسا لوٹن کے تین آرڈی کے قریب جے ڈی یو اور کانگریس کے حامی ایک دوسرے سے الجھ گئے۔ کہا جاتا ہے کہ کانگریس کے حامی موٹرسائیکلوں پر روڈ شو کررہے تھے۔ اسی دوران این ڈی اے کے حامیوں نے کانگریس کے تین کارکنان پر جان لیوا حملہ کیا۔ کانگریس امیدوار نے جے ڈی یو امیدوار پر انتخابی مہم میں خلل ڈالنے کا الزام عائد کیا ہے۔
اس معاملے میں والمیکی نگر پولیس اسٹیشن میں مقدمہ نمبر 57/20 درج کیا گیا ہے۔ کیس درج ہونے کے ساتھ ہی پولیس نے کیس کی تفتیش شروع کردی ہے۔ کانگریس کے حامی برجیش سنگھ کی دی گئی درخواست میں ان پر الزام عائد کیا گیا ہے کہ انہوں نے قافلے پر منصوبہ بند انداز میں حملہ کیا اور پیسے چھین نے کی کوشش کی۔