سماجی دوری کے تئیں لوگوں میں بیداری مہم

بہار کے دربھنگہ ضلع میں کورونا وبا کی روک تھام کیلئے ضلع کی چھوٹی ۔ بڑی سبزی منڈیوں میں بھیڑ کو قابو کرنے اورصارفین کو سوشل ڈسٹنسنگ ضابطے پر عمل کرانے میں این سی سی کیڈٹس اب اہم کردار نبھائیں گے۔

ضلع مجسٹریٹ ڈاکٹر تیاگ راجن ایس ایم اور پولیس سپرنٹنڈنٹ نے کہا کہ ضلع انتظامیہ نے سماجی دوری پر عمل کرانے کیلئے این سی سی کیڈٹ کی خدمات لینے کا فیصلہ لیا ہے ۔

انہوں نے کہا کہ اس مقصد سے کیڈٹ کو ٹریننگ دی گئی ہے ۔ انہوں نے بتایا کہ ٹریننگ کے بعد کیڈیٹ سبزی منڈی سمیت دیگر بھیڑ۔ بھاڑ والی جگہوں پر لوگوں کو سوشل ڈسٹنسنگ کے تئیں بیدار کریںگے ۔

وہیں لاک ڈاﺅن کے موثر طریقے سے نفاذ کیلئے ضلع انتظامیہ نے دودھ ، پھل اور سبزی وغیرہ روزمرہ کی اشیاء کی ڈور اسٹیپ ڈیلیوری سروس بھی شروع کی ہے ۔ انتظامیہ نے اپیل کی ہے کہ لوگ سبزی وغیرہ خریدنے کیلئے گھر سے نہ نکلیں بلکہ اپنے محلے میں ہی سبزی فروشوں سے سبزی خریدیں اور لاک ڈاﺅن پر سختی سے عمل کریں۔