ریاست بہار میں کیمور ضلع کے ادھورا پولیس اور روہتاس کے چوٹیا پولیس کی ٹیم نے آج مشترکہ کاروائی کرتے ہوئے ایک 14 سال سے فرار نکسلی کو گرفتار کیا ہے، بتایا جا رہا ہے کہ یہ کاروائی کیمور پہاڑی کے جنگل میں کی گئی تھی، جہاں سے نکسلی بھاردول یادو کو گرفتار کیا گیا ہے پولیس کو کئی سالوں سے بھاردول یادو کی تلاش تھی ۔
جانکاری کے مطابق پانچ مئی کو ادھورا پولس اسٹیشن کے تحت آنے والے دگدھا جنگل میں درگاوتی دریا کے کنارے پہاڑی سے دو طاقتور بم برآمد ہوئے تھے۔ جسے سی آر پی ایف کی ٹیم میں شامل بم ڈسپوزل اسکواڈ کی ایک دستہ نے بم کو بے اثر کردیا تھا۔
اس کے بعد بم کی تحقیقات کے لئے کیمور کے ایڈیشنل سپرنٹنڈنٹ پولیس کے سربراہی میں ایک ٹیم تشکیل دی گئی۔ جس میں شامل ادھورا پولیس اسٹیشن کے سی آر پی ایف کمپنی جی 47 اور کمپنی کمانڈر سی 47 نے تیرا کلا تھانہ اور ادھورا تھانہ کے مشترکہ چھاپوں میں نکسلی بھاردول یادو کو آج گرفتار کر لیا ۔ انہوں نے بتایا کہ ملزم پر پہلے سے ہی کئی کیس درج ہیں۔
بتایا جاتا ہے کہ بھاردول یادو روہتاس ضلع کے بیلڈوریہ پولیس اسٹیشن چوٹیا کا رہائشی ہے۔ یہ 2001 میں نکسل سرگرمیوں میں شامل ہوا تھا۔ تب سے اس نے کئی سنگین معاملے کو انجام دئے ہیں، بم دھماکے پولیس ہتھیاروں کو لوٹنے کا منصوبہ جیسے معاملے ان میں شامل ہیں، روہتاس اور کیمور پولیس کئی سالوں سے بھاردول یادو کی تلاش کر رہی تھی لیکن یہ 14 سالوں سے فرار تھا آج بالآخر پکڑا گیا۔
اس سلسلے میں کیمور ایس پی دلنواز احمد نے بتایا کہ 5 مئی کو ادھورا پہاڑی کے گاؤں دگدھا کے جنگل میں زندہ دو بم ملے تھے۔ جس کے بارے میں سی آر پی ایف اور پولیس مسلسل چھاپے ماری کر رہی تھی۔ روہتاس پولیس اور کیمور پولیس کی مشترکہ آپریشن میں آج نکسلی بھادول یادو کو جنگل سے گرفتار کیا گیا ہے۔
