ریاست بہار کے ضلع گیا کے بانکے بازار میں واقع سوندھا مڈل اسکول کی عمارت میں لگے کیمپ کو نکسلیوں نے بارود لگا کر اڑا دیا۔ دھماکہ سے آس پاس کا علاقہ لرز اٹھا۔
جس جگہ پر اسکول ہے اس سے قریب سینٹرل ریزرو پولیس فورس (سی آر پی ایف) 153 بٹالین کا کیمپ بھی موجود ہے۔
مقامی خاتون کلیا دیوی نے بتایاکہ 'وہ گھر میں تھی تبھی اچانک دھماکے کی آواز سنائی دی، کسی نے حملہ کیا ہے اس پر انہوں نے بولنے سے منع کردیا تاہم انہوں نے بتایاکہ حملہ کے بعد نکسلی نعرے لگائے گئے۔
اسکول کے ہیڈ ماسٹر کمار نے بتایا کہ 'اسکول کے دو منزلوں کا نصف حصہ تباہ ہوگیا ہے، اس کی اطلاع ملتے ہی پولیس موقع پر پہنچ گئی۔
سٹی ایس پی راکیش کمار نے بتایا کہ 'حملہ کسی نے کیا ہے اس کی جانچ کی جارہی ہے تاہم یہ کام کسی نکسلی تنظیم کاہی ہے۔ انہوں نے کہاکہ 'نکسلیوں پر پولیس کی گرفت سخت ہوئی ہے اسی وجہ سے نکسلیوں نے اپنی موجودگی کے لیے اس طرح کی حرکت کو انجام دیا ہے۔
