اتوار کے روز صبح دارالحکومت پٹنہ میں اچھی خبر موصول ہوئی ہے۔ نالندہ میڈیکل کالج و ہسپتال سے اب تک 73 کورونا مریض صحت یاب ہو چکے ہیں۔ مریضوں کے صحت یاب ہونے سے ڈاکٹروں میں بھی خوشی لہر ہے۔
فی الحال تمام مریضوں کو ہسپتال سے فارغ کر دیا گیا ہے۔ جس کے بعد مریضوں کو ہوم قرنطینہ کا مشورہ دیا گیا۔
داراصل نالندہ میڈیکل کالج و ہسپتال میں داخل ہونے والے مثبت مریضوں کے علاج کے بعد منفی ہونے کا سلسلہ جاری ہے۔
گزشتہ دو دنوں میں 19 کورونا مریضوں کی رپورٹ منفی آنے کے بعد ڈاکٹروں نے 14 دنوں کے لیے ہوم قرنطینہ میں رہنے کا مشورہ دیا اور آج صبح انہیں ایمبولنس کے ذریعے گھر روانہ کیا۔
وہیں ہسپتال کے سپرنڈنٹ ڈاکٹر نرمل کمار نے بتایا کہ نالندہ میڈیکل کالج و ہسپتال میں اب تک کورونا سے صحت یاب ہونے والے مریضوں کی تعداد 73 ہوچکی ہے۔
انہوں نے کہا کہ جس طرح سے مریضوں میں بیماری ختم ہوتی جا رہی ہے، اس سے کورونا جنگجو کو کافی خوشی ملتی ہے۔
کورونا وائرس کے انفیکشن سے بہار میں بھلے ہی اضافہ ہو رہا ہے ہولیکن راحت کی بات یہ ہے کہ لوگ صحت یاب بھی ہو رہے ہیں۔ جس کا تازہ مثال نالندہ میڈیکل کالج ہسپتال ہے۔ جہاں اب تک 73 افراد اس ہسپتال سے صحت یاب ہو کر گھر چلے گئے ہیں اور ڈاکٹروں کو بھی کافی خوشی ہے کہ یہاں زیادہ سے زیادہ مریض صحت یاب ہو رہے ہیں۔