بہار کے وزیراعلیٰ نتیش کمار نے ضلع پٹنہ کے باڑھ میں آج ایک کمیونٹی ہال کا افتتاح ویڈیو کانفرنس کے ذریعہ کیا۔ اس دوران انہوں نے عوامی جلسے سے خطاب کرتے ہوئے کہا کہ 'ریاست میں امن و امان کے لیے آپسی اتحاد بہت ضروری ہے۔
معلومات کے مطابق وزیراعلیٰ نتیش کمار باڑہ پارلیمانی حلقہ سے پانچ بار رکن پارلیمان رہ چکے ہیں۔ نئی حد بندی کے بعد انہیں وہ حلقہ چھوڑنا پڑا تھا۔
انہوں وہاں موجود لوگوں سے کہا کہ آپ تمام لوگ آپسی اتحاد اور بھائی چارے کے ساتھ فرقہ وارانہ ہم آہنگی کو برقرار رکھیے، انسان کا یہی سب سے بڑا سرمایہ ہے۔
مزید پڑھیں:
نتیش کمار نے کہا کہ اس علاقے کے لوگوں سے ہمارا گہرا رشتہ ہے۔ میں آپ لوگوں کی محبت کو نہیں بھول سکتا، باڑہ کے لئے بہت کچھ کرنا ہے۔ اس کمیونٹی ہال سے علاقے کے لوگوں کو کئی سہولیات فراہم ہوگی۔ انہوں نے باڑہ میں آئندہ ہسپتال کی تعمیر نو کا بھی اعلان کیا۔