دربھنگہ: مکھیا کے شوہر کا قتل

ضلع دربھنگہ کے منی گاچھی تحصیل کے راگھو پور مشرقی پنچایت کی مکھیا کے شوہر پر ایک شخص نے چاکو سے حملہ کردیا۔

راگھو پور مشرقی پنچایت کی مکھیا ریحانہ خاتون کے شوہر محمد رضاءالدین کو گاؤں کے ہی ایک شخص شیر خان نے دہورا اور نارائن پور گاؤں کے درمیان تین گچھیا کے پاس چاکو مارکر زخمی کر دیا۔

محمد رضاءالدین کو زخمی حالت میں پرائیویٹ اسپتال میں داخل کرایا گیا جہاں علاج کے دوران ان کی موت ہو گئی۔

اطلاعات کے مطابق موقع واردات پر حملہ کرنے والے شیر خان کو مقامی لوگوں نے پکڑ لیا اور بڑی طرح اس کی پٹائی کیا وہیں اطلاع ملنے کے بعد پہنچی منی گاچھی تھانہ پولیس نے حملہ کرنے والے شیر خان کو اپنی تحویل میں لیکر اسپتال لے گئی جہاں علاج چل رہا ہے اس کی بھی حالت نازک بتائی جارہی ہے۔