ماں کے قاتل بیٹے کو عمر قید کی سزا

ریاست بہار کے دربھنگہ ضلع سول کورٹ کے فاسٹ ٹریک کورٹ دوئم نریندر پرساد کی عدالت نے 29 فروری بروز سنیچر کو ایک ماں کے قاتل بیٹے کو عمر قید کی سزا سنائی ہے -

گذشتہ 24 فروری کو عدالت نے بیٹے ارون سدائے کو ماں کا قاتل قرار دیا تھا - جس پر فیصلے کے لیے 29 فروری کا دن طے کیا گیا تھا -

واضح رہے کہ دربھنگہ ضلع کے کمتول تھانہ حلقہ کے مادھو پٹی گاؤں میں 24،اگست سال 2016،کو دن دہاڑے ارون سدائے نے اپنی ماں سانوریا دیوی کو بانس کے ڈنڈے سے گردن پر حملہ کرکے قتل کر دیا تھا جس کو لیکر اس کے والد جیا سدائے نے کمتول تھانہ میں مقدمہ نمبر 139/2016 درج کروایا تھا۔

اس میں دربھنگہ سول کورٹ میں سیشن ٹرائل 77/2017 چلا جس میں اسپیشل پی پی رینو جھا فاسٹ ٹریک کورٹ دوئم نے کل آٹھ گواہوں کے کورٹ میں بیان درج کرائی تھی۔

اسپیشل پی پی رینو جھا نے کہا کہ افسوس کی بات تو بھی رہی کہ عمر قید کی سزا پانے کے بعد بھی قاتل بیٹے کے چہرے پر شکن تک نہیں ہے - اس نے پہلے بھی گواہی کے دوران کورٹ میں کہا تھا کہ اسے افسوس نہیں -